SANTA KATALINA PARROKIKO ARGAZKIAK

ERRETAULA

Oria eskualdeko erretaula apalenen artean sailkatu ohi bada ere, guztien artean onena da Maria Asuntzion Arrazolaren iritzian. 1603. urtean izenpetu zen kontratua eta Zangotzan bizi zen J. Berroeta irudigileak egin zuen J. de Albiren laguntzarekin.

hiru atal ditu erretaulak eta bost kale, eskulturak eta erlibeak txandakatuz burutua.

Lehen atalean Jauna agirian ipintzekoa erdian, Getsemaniko Baratzan kristo atxilotu zutenekoak erlibean ezkerretara, eta jarraian garai berekoa ez den Andre Mariren eskultura-irudia. Eskuinean berriz, Kristoren Nekaldiko gertaera, Beronika Kristori hurreratu zitzaionekoa hain zuzen ere, eta jarraian San Migelen eskultura-irudia.

Bigarren atalean erdi erdian elizako zaindari den Santa Katalinaren gurpila eta abar ezkerretara, eta jarraian Santa Barbararen eskultura-irudia. Borreroak lepo moztu zionekoa erlibean eskuinean, eta jarraian Santa Luziaren eskultura-irudia.

Hirugarren atalean Kristo Gurutziltzauta erdian, San Rokeren eskultura-irudia ezker aldean eta San Sebastian eskuin aldean. Eskuan ezpatadun aingeruak ertzetan.

Lana ongi burutua zenbait akats aipa litekeen arren, bikaina eta ederra oro har, eskualdekoen artean aipagarriena zalantzarik gabe. Garaiko artisten artean gailentzen da Berroeta Maria Asuntzion Arrazolaren ustez.

Inprimatu       Bidali posta elektroniko bidez 

Euskaraz 

Castellano